Barzanî bo Nûnerê Putîn: Girîng e nexşeyeke siyasî ji bo çareserkirina pirsa Kurdî li Sûriyê hebe

Serokwezîrê Herêma Kurdistanê Mesrûr Barzanî pêşwazî li Nûnerê Taybet ê Serokê Rûsya ji bo Karûbarên Rojhilata Navîn û Afrîqayê û Cîgirê Wezîrê Derve, Mixayîl Bogdanov kir.

Ekleme: 02.12.2021 11:40:28 / Güncelleme: 02.12.2021 11:40:28 / Xeberen Kurdi
Destek için 

Serokwezîr Mesrûr Barzanî doh pêşwazî li cîgirê wezîrê derve yê Rûsya, Mîxayîl Bogdanov kir.

Di hevdîtinê de, dawî pêşhat û guhartinên Iraq û hêrêmê û pêşvebirina pêwendiyên di navbera Herêma Kurdistanê û Rûsyayê hatin guftûgokirin.

Li gorî daxuyanîya ku li ser malpera KDP.info hat belavkirin, Nûnerê Serokê Rûsya û Cîgirê Wezîrê Derve silav û rêzên serkirdatiya Rûsyayê gihandin Serokwezîrê Herêma Kurdistanê û amaje bi rola diyar a Serok Mesûd Barzanî kir ku Rûsya wek wî wek pêşewayê neteweyî yê Kurd dibîne. Herwiha behsa rola girîng a Herêma Kurdistanê û pêwendiyên dostane û dîrokî yên welatê ligel Herêma Kurdistanê kir û tekezî li ser wê kir ku pêwîst e bîrûboçûnên Hikûmeta Herêma Kurdistanê derbarê guhartinên herêmê li ber çavan werin girtin.Serokwezîr Mesrûr Barzanî amadehiya Herêma Kurdistanê ji bo pêşxistina zêdetir a pêwendiyên ligel Rûsyayê di hemû waran de nîşan da, bi taybet firehkirina derfetên hevkarî û hevahengiyên ku ji herdu aliyan re cihê girîngiyê ne.

Di mijareke din a hevdîtinê de, behsa rewşa Sûriyê û pirsa Kurdan li navçeyê hate kirin, Serokwezîr Herêma Kurdistanê tekezî li girîngiya hebûna nexşeyeke siyasî ji bo çareserkirina pirsa Kurdî li Sûriyê kir ku dûrî takrewî û xwesepandinê be û nûneratiya hemû aliyên Kurdên Sûriyê bike.(ÎLKHA)