“Şafqeyên ku logoya Kurdistanê li ser wan bû û ji bo hilbijartinan dihatin amadekirin hatin şewitandin ku ev yek ne ya qebûlkirinê ye”
Di destpêka daxuyanîyê de di bîran hat xistin ku li navçeya Şalpazariya Trabzonê Serokê Şaredarîya Şalpazari û ekîbên şaredarîyê di ser kargehekê de girtin û di nîvê kolanê de şafqeyên ku logoya Kurdistanê li ser wan bû û ji bo hilbijartinan dihatin amadekirin şewitandin. Dû re wiha li daxuyanîyê hat zêdekirin: “Kêlîya şewitandina van şafqeyan li ser medyaya civakî jî hatin belavkirin. Berî niha jî êrîşên nîjadperestî li welatîyên ku ji Kurdistana Iraqê hatibûn herêmê hatibûn kirin. Lê weke ku tê zanîn Birêveberîya Herêma Kurdistanê ji teref makeqanûna Iraqê ve hatiye nasîn, di qada navneteweyî de têt nasîn û bi Tirkîyeyê re peymaneke 50 salane îmze kiriye.Xulase birêveberîya Kurdistanê birêveberîyeke meşrû ye. Kesên ku vê êrîşê li dar xistine divê zanibin ku ew zirara herî mezin didin vî welatî. Ew hedîseya ku li navçeya Şalpazariyê pêk hatiye jî bes kêrî wan kesên ku dixwazin li welêt alozî û gengeşî derkeve, tê. Ji çalakîyên bi vî awayî yên ku di hedefa wan de Kurd hene re hêj rayedar bêdeng dimînin ku ev yek wan kesên êrîşkar wêrektir dike û ev yek ji bo bûyerên xeternak ên girseyî re bingehê amade dike. Ji bo li welêt hiqûqa biratîyê bê parastin, çalakîyên bi vî awayî bê ceza nemînin û demildest divê derheqê wan de lêpirsîn bê destpêkirin û ew kes bên muhakemekirin.”
“700 hezar mamoste li benda tayînê ne”
Di berdewama daxuyanîyê de bal hatin kişandin li ser mamosteyên ku li benda tayînê ne û dû re wiha hat gotin: “Ji bo kêmasîya mamosteyan a li mekteban bê safîkirin lazim e ku 100 hezar mamoste bên tayînkirin. Li gorî sendîqayan 700 hezar mamoste li benda tayînê ne. Dema ku ev reqem li darî çavan bê girtin û ew 15 hezar tayînên ku tên kirin ne tu tiştek e.”(ÎLKHA)
Spor
Dünya
Güncel
Güncel
Dünya
Dünya
Dünya
Dünya
Dünya
Dünya
