Barzanî di peyama ku belav kir de destnîşan kir, dijminên gelê Kurdistanê li berçavê hemû cîhanê pêşketîtirîn çek û zalimtirîn siyasetê ji bo qirkirin û ji navbirina gelê Kurdistanê bikaranîn, lê belê gelê Kurdistanê xwediyê îrade û dozeke rewa bû û li beranber vê jenosayd û komkujiyê xwe bi dest ve neda.
Temamê deqa peyama Barzanî:
“Bi navê xwedayê mezin û dilovan
Sîh û sê sal berî niha rejîma berê ya Iraqê li tawaneke din û li dawiya qonaxa proseya Enfalê da piştî bombebaran û kîmyabarankirina herî zêdeyê devera Behdînan, xelkê wan navçeyan û pêkhatên wê rûbirûyê girtin û bêserûşûn kirin û bi zorê veguhestinê kir. Li wê tawanê da Hikûmeta Iraqî sedan hezar hêzên pirçekî li dijî nîştecihên bêtawanê Behdînanê de bikaranî.
Ev tawane berdewamiya wan zincîre tawan û karesatan bû ku li sedsala derbasbûyî dijî gedeyên gelê me li Barzan û Germiyan û Helebçe û tevahiya Kurdistanê birêveçû.
Dijminên gelê Kurdistanê li berçavê hemû cîhanê pêşketîtirîn çek û zalimtirîn siyasetê ji bo qirkirin û ji navbirina gelê Kurdistanê bikaranî, lê belê gelê Kurdistanê xwediyê îrade û dozeke rewa bû û li beranber vê jenosayd û komkujiyê xwe bi dest ve neda û ew dijmin û tawanbaran bûn ku ketin zibildanka dîrokê de. Eve waneyeke pir bi wateye hem ji bo gedeyên gelê me û hem jî ji bo neyar û nehezên gelê Kurdistanê.
Li salvegera Enfala Behdînan da silav ji bo giyanê pakê şehîdan û enfalkiriyan re dişînin û pêdagiriyê li ser mafên rewayê gelê me dikîn. Pêwîste jî dewleta Iraqê qerebûyê jenosayd û wê tawan û zulman bike ku di derbarê mîlletê me hatiye kirin.”(ÎLKHA)
Dünya
Dünya
Güncel
Güncel
Dünya
Güncel
Dünya
Bilim & Teknoloji
Eğitim
Güncel
