Neteweyên Yekbûyî xwarinên xerabûyî şand Yemena ku qeyrana mirovahî lê heye

Li dû skandala alozkirina alîkariya xwarinê ya Neteweyên Yekbûyî ji bo wargehên penaberan li Sûriye û Somaliyê, skandalek din li Yemenê rû da.

Bernameya Xwarinê ya Cîhanî ya Neteweyên Yekbûyî (WFP) ji Yemenê re xwarina xerabûyî şandiye, ku sê-çarê nifûsa wê hewceyê rengek alîkariya mirovî ye.

Hilal Ceşari, Midûrê Parastina Çandiniyê ya Tevgera Ansarullah, WFP bi şandina xwarina xerabûyî tawanbar kir.

Ceşharî diyar kir ku "Di alîkariya xwarinê ya WFP ya ku gihîşt bendera Hudeyda, hat tespîtkirin ku 1768 ton şokilên zer  kurmik ketiye nava wan."

WFP derbarê îdîayan de hêj daxuyanî nedaye.

Ji ber êrişên rejîma Siûdî û hevalbendên wî welatî ji sala 2014an vir ve, Yemen hate kişandin nav hilweşînek mezin û kirîzeke mirovî.

Welat ji sedî 90 pêdiviyên xwe yên xwarin, sotemenî û dermanan ji xwe re îthal dike.(ÎLKHA)