Hejmara kuştîyên êrîşa li Elmanyayê derket 4 kesan

Li gorî xebera rojnameya Bildê, polîsan destnîşan kir ku 4 kes mirine.

Li gorî daxuyanîya rayedarên qanûnê, bi giştî 205 kes birîndar bûne û rewşa 41 kesan giran e.

Şofêrê BMWyeke reş roja Înê saet di 21:04 de li gorî dema Tirkîyeyê li bazara Noelê ya li navenda Magdeburgê bi qestî ajot nava mirovan. Rayedarên Sachsen-Anhalt û Magdeburgê bûyer wekî "êrîşa terorê" bi nav kirin.

Hat ragihandin ku şikdar piştî êrîşê hat binçavkirin û navê wî jî Talib A.yê, hat destnîşankirin ku Talîb welatîyê Erebistana Siûdî ye û ji sala 2006an vir ve li Elmanyayê bû û destûra rûniştinê ya daîmî hebû.

Hat diyarkirin ku kesê ku xwe "ateîst" dihesiband, li klînîkekê wek doktor dixebitî. Hat ragihandin ku mêrik tedawîya psîkolojîk jî dîtiye. (ÎLKHA)