Ji HAMAS û Cîhada Îslamî daxuyanîya Sûrîyeyê

HAMASê piştî ku bi hilweşîna rejîma Sûrîyeyê re muxalefet bi dest xist, nirxandineke nivîskî kir.

Di daxuyanîyê de ev tişt hatin destnîşankirin:

"Em weke Tevgera Berxwedana Îslamî pîrozbahîyê li gelê Sûrîyeyê yê bira dikin ku destkeftiyên wan di rêya azadî û dadmendîyê de bi dest xistine. Em bang li hemû pêkhateyên gelê Sûrîyê dikin ku rêzên xwe bikin yek, hevgirtina niştimanî xurt bikin û êşên berê derbas bikin.

Em wek Tevgera HAMAS û gelê Filistînê bi xurtî li cem gelê mezin ê Sûrîyê ne û rêz li yekitiya Sûrîyê, yekparçeyîya axa Sûriyê, îrade, serxwebûn û bijardeyên sîyasî yên gelê Sûrîyê digirin.

Gelê Sûrîyê yê bira bi hemû pêkhateyên xwe, bi yekîtîya xwe ya niştimanî, bi rihê biratî û toleransê, bi îzna Xwedê xwedî hêz e ku hemû zehmetîyan derbas bike û vê pêvajoya hestiyar bi ser bixîne, da ku aramî, geşepêdan, ewlehî û aramîyê pêk bîne û bextewarîya gelên giranbuha yê Sûriyê.

Sûrîye bi domandina rola xwe ya dîrokî û navendî di piştgirîkirina gelê Filistînê û berxwedana wan de, ber bi pêkanîna doza xwe ya dadperwer ve diçe, rola xwe ya serokatîyê di nav ummeta erebî û Îslamî de xurt dike û bandora xwe li ser asta herêmî û navneteweyî zêde dike.

Em wek Tevgera HAMASê bi tundî êrîşên hovane yên dubare yên rêjîma sîyonîst a îşxalker li ser axa Sûrîyê şermezar dikin û her armanc û planên sîyonîstan ku ax û gelê Sûrîyê dike armanc, bi tundî red dikin.

Xwedê Sûrîye, Filistîn û hemû ummetê ji her cure xerabîyê biparêze."

Cîhada Îslamî

Sekreterê Giştî yê Tevgera Cîhada Îslamî Ziyad Nehhale der barê geşedanên dawî yên li Sûrîyeyê de weha got:

“Em weke Tevgera Cîhada Îslamî ya Filistînê di wê bawerîyê de ne ku guhertinên li Sûrîyê diqewimin mijareke navxweyî ya Sûrîyê ye û bi tercîhên gelê Sûrîyê yên bira ve girêdayî ye.

Hereketa Cîhada Îslamî daxwaz dike ku Sûrîye wek her car wek piştgir û alîkarê rast ê gelê Filistînê û doza wî ya dadperwer bimîne. ” (ÎLKHA)