Radyoya Artêşa îşxalkeran weha got, "Îro piştî nêzî salek û du mehan, biryar hat dayîn ku mirina Omer Neutra ku cenazeyê wî hê jî li Xezzeyê girtî ye, were tespîtkirin."
Radyo bêyî ku hûrguliyên zêdetir bide ragihand ku mirin li gorî encamên îstixbaratî hatine bidestxistin.
Di daxuyanîya ku ji teref artêşê ve hat dayîn de hat diyarkirin ku leşkerê Neutra yê 21 salî ji New Yorkê koçî herêmên Filistînê yên îşxalkirî kiriye û "Di Tabûra 77emîn a Tûgaya Zirxî ya 7emîn" a herêma Nir Oz de pêşengê tabûra tankê bû.
Hat ragihandin ku Neutra yek ji 4 leşkerên di tanka ku ji aliyê mucahidên Filistînî ve bi guleya RPG hat hedefgirtin bû û dema leşkerên sîyonîst xwestin ji tankê birevin ji aliyê mucahidan ve hat girtin.
Di dema ku karbidestên îşxalkirî dibêjin ku li Xezzeyê 101 mehkûmên sîyonîst hene û bi bawerîya wan nîvê wan sax nînin, tevgera HAMASê ragihand ku bi dehan girtî di bombebarana bêserûber a îşxalkeran de mirine.
Bi ragihandina mirina leşkerê xwe re, li gorî daneyên artêşa sîyonîst, hejmara leşkerên îşxalker ên ku li Xezzeyê ji destpêka şer û vir ve hatine kuştin, gihîşt 808 leşkeran ku 380 ji wan di şerê bejayî de li Xezzeyê bûn.
Desthilatdarên îşxalker bi piştgiriya Emerîkayê ji 7ê Cotmeha 2023an vir ve li Xezzeyê qirkirinek pêk tînin; Di nava wêranî û xelayê de zêdeyî 149 hezar Filistînî ku piraniya wan zarok û jin in şehîd û birîndar bûn û zêdetirî 10 hezar kes jî winda ne. (ÎLKHA)
Güncel
Dünya
Güncel
Güncel
Güncel
Dünya
Dünya
Dünya
Güncel
Güncel
