Bi minasebeta Mewlûda Nebî ku li gor salnameya Hicrî şeva 12ê meha Rebîulewelê ye, Weqfa Evîndarên Pêxember li navçeya Yenîşehîra Diyarbekirê bernameya Mewluda Nebî li dar xist.
Bernameya ku li qada Parka Sûmer a navçeya navendî ya Yenîşehîrê hat lidarxistin, ji aliyê Selahattîn Guler ve hat pêşkêşkirin, bi tîlaweta Qur'ana Kerîmê Omer Akgul dest pê kir.
Di bernameya bi gotinên îlahiyên hunermendên Ozlem Ajansê berdewam kir de, Endamê Lijneya Rêveberiya ÎTÎHADUL ULEMA Molla Abdulkuddus Yalçin li ser wate û girîngiya rojê axaftinek kir.
“Wî, ferman û qedexeyên Xweda ji me re aniye û peyama xwe gihandiye me”
Yalçin destnîşan kir ku Hezretî Muhammed Sallallahu Aleyhi Ve Sellem ji bo dinyayê weke rehmetê hatiye şandin û wisa dewam kir, “Xuda Teala ji bo me derheqê Wî de got: 'Ez sond dixwim, ji bo we di Resûlê Xweda de; Ji bo kesên ku hêviya hevdîtina Xwedê û roja axretê dikin û Xwedê pir bi bîr tînin re mînakek baş heye. Bê şik di Pêxemberê Xweda de ji we yên ku hêvîya xêra Xwedê û roja axretê dikin û Xuda pir bi bîr tînin re mînakek baş heye.’ Paşê divê em gerekê jîyîna Wî ji xwe re bikine nimûne. Dema em sîret, jiyan û hedîsên wî bixwînin divê ji me re bibin mînak.
Xwedê Teala dibêje: 'Eger hûn bi rastî ji Xwedê hez dikin, bidin pey min da kû Xwedê jî ji we hez bike.' Ev tê wê wateyê ku divê em Misilman guh bidin Resûlê Xwedê. Ji ber ku wî ferman û qedexeyên Xweda ji me re aniye û peyama xwe gihandiye me. Wî bi xwe ew peyam jiya û xwest em jî bijîn. Ger em hewl bidin ku jiyana wî mîna wî bijîn, hingê Xwedê wê ji me hez bike.”
"Taybetmendiyek girîng ew e ku Resûlê Xwedê û sehabiyên wî li hember kafiran bi şiddet û di nav xwe de dilovan bûn"
Yalçin ku bi kurtasî mucadeleya Resûlê Xwedê ya bi Cihûyan re vegot û wiha got:
“Pêxemberê me 13 salan li Mekkeyê teblîxa Îslamê kir û îşkence û zehmetiyên mezin kişand. Mixabin neçar ma koçî Medîneyê bike. Li Medîneyê dewleta Îslamê damezirand û Îslamê belav kir. Diviyabû wî bi piranî bi Cihûyên Medîneyê re mijûl bibe. Cihû çend eşîr bûn: Benî Nadir, Benî Qeynuqa, Benî Qureyza û Xeyber. Benî Nadir xwest ku Pêxemberê me bi berdê aş biperçiqîne. Pêxemberê me bi agahiya Xwedê ew ceza kirin û hemû ji malên wan derxistin. Dema Benî Qeynuqa namûsa jineke Misilman binpê kir, pêxemberê me ew ceza kir û ji Medîneyê derxist. Benî Qureyza di şerê Xendekê de xiyanet li wan kir, ji ber ku îxanetî Mislimanan kirin, Resûlê Xwedê ew ceza kir û hemû kesên ku çek di destê wan de bûn îdam kirin, lê dest neda jin û zarokan nekir. Di dawiyê de Xeyber veguherî hêlîna nakokiyê û serekên wê li wir kom bûn. Her roj muşrikan tehrîk dikir û li dijî Mislimanan îxtilaf derdixist. Resûlê Xweda jî çû ser Xeyberê û feth kir.
Pêxember eleyhîsselam ji bo aleman weke rehmetê hat şandin, lê muşrîk û cihû li dijî Pêxemberê me û sehabiyên wî derketin û ji ber ku xwestin dewleta Îslamê ya ku li Medîneyê hatiye avakirin hilweşînin, Resûlê Xwedê bi wan re şer kir û xirabiyên wan def kir. Xwedê Teala di wesfkirina Pêxemberê me û sehabiyên wî de wiha dibêje: 'Muhemmed Resûlê Xwedê ye û yên bi Wî re li hember kafiran tund in û di nav xwe de dilovan in.' Ev taybetmendiyek girîng e.”
“Kirina cîhad û teblîxê, ji bo sexlem bûyîna îbadetê ye”
Yalçin bal kişand ser taybetiyên sehabeyên Pêxemberê me û wiha got, “Taybetmendiyeke wan a din jî ew e ku rukû û secdê dikin. Yanî sehabe kîram çawa kû mucahîd bûn di heman demê de jî îbadetkar bûn. Bi rastî jî ew qas îbadet dikirin, ku li ser eniya wan şopên secdê hebûn. Di roja îroyîn de dibe ku em bi rastî di warê dawetî û teblîxa îslamê de xizmetên baş dikin, lê mixabin di warê îbadet, zikr, nimêj û îbadetê de kêmasiyên me hene, ku divê em van qelsiyan ji holê rakin. Kirina cîhad û teblîxê, ji bo sexlem bûyîna îbadetê ye.
Armanca me ya afirandinê îbadet û xizmeta Xwedê ye. Em nikarin di jiyana xwe de bi temamî Sunnetê biceribînin. Ji van sedeman yek jî hezkirina dinyayê û xapandina bi luksa wê ye. Ji ber ku evîna dinyayê û tirsa mirinê em dîl girtine, dibe ku em bi navê xwe û bi fermî Misilman bin, lê mixabin em weke Xwedê dixwaze tirsa Xwedê, Îslam, îbadet û hezkirina bihuştê di can, dil û mejiyê me de tune ye. Loma jî kufur bi rehetî me biperçiqîne.”
"Ji bo ku em wesfa ummetbûnê bi dest bixin, lazim e ku em îbadet bikin û sunnetê ji xwe re bikin rêber"
Yalçin di dawîya gotinên xwe de wiha got, “Ger em bibin ummetek rast, bi izna Xweda kufr nikare tiştekî bike û ummeta Îslamê wê rûmeta xwe ya berê bi dest bixe. Ji ber vê yekê ya ku divê em niha bikin ev e. Çawa ku Pêxemberê eleyhîsselam me her tim li dijî şirk, muşrik, cihû û dijminên Îslamê şer kiriye, divê em jî her tim li dijî wan şer bikin. Heger em Îslamê di wateya rast de biceribînin, li vir ji bo Pêxemberê xwe kom bibin, li mizgeftan azanê bixwînin û herin nimêja sibê jî wek ku em diçin nimêja înê, helbet ev cîhad in û kafiran bêzar dikin.
Piştî axaftina Yalçin bername piştî îlahiyan bi duaya ku ji teref Molla Nazim Şîmşek ve hat kirin bi dawî bû. (ÎLKHA)
Dünya
Dünya
Güncel
Dünya
Güncel
Güncel
Dünya
Dünya
Dünya
Güncel
