Welatîyên ku hatin cem hev piştî nimêja eşayê ya ku di Camîya Başakşehîr Navend de kirin di Meydana Başakşehîrê de kom bûn û du rekaet nimêj kirin û dûre ji bo Fîlîstînê duayê kirin.
Di bernameyê de ji şebekeya terorê re lanet hat anîtin, nimêj û dua hat kirin.
Piştî nimêja ku hat kirin Alîkarê Serokê Giştî yê HUDA PARê Mehmet Eşîn axavtinek kir û di axavtina xwe de weha got, “Dema ku em li Stenbolê nimêj dikin berê xwe hem didin Mescîdî Eqsayê hem jî didin Kabeyê. Stenbol, Mescîdî Eqsa û Kabe di heman rêzê de ne. Ji ber vê yekê wezîfeyekî mezin li ser milê Stenbolîyan e. Ez ji nevîyên Nureddîn Zengî û Selaheddînê Kurdî re dixwazim vêya bibêjim; Xwîn, şehîd û birîndarên Xezzeyê hemû yên me ne. Êşa we êşa me ye, kêfa we kêfa me ye. çend sal berê kalê me Selaheddîn di van rojan de Qudsê dorpêç kiribû. Mehekî paşê jî salvegera Operasona Tofana Eqsayê tijî dibe. Em wisa hêvî dikin ku di van rojên bimbarek de zefer gelek nêz e.”
“Em ê meydanan vala nehêlin”
Eşîn îfade kir ku em wek ummetî di nav îmîhanekî de ne, “Doza Qudsê û mezin û ezîz e. me mirovên xwe yên herî baş feda kir û em ê vê fedakirinê bidomînin jî. Micahîdên Xezzeyê meydana cîhadê terk nekirin. Ew ezîzên xwe feda dikin. Bi îzna Xwedê em ê doza xwe vala nehêlin. Emê duayên bi fiîlî û bi gotin bikin. Em ê ji rizqên xwe înfaqê bikin. Bi îzna Xwedê em ê li Qudsê nimêja şikrê bikin.” (ÎLKHA)
Röportaj
Güncel
Güncel
Dünya
Güncel
Dünya
Dünya
Güncel
Dünya
Güncel
