Karwana Hêvîyê li Efxenistanê alîkarîyeke mînak da destpêkirin

Weqfa Karwana Hêvîyê li her derê erdnigarîya îslamê xebatên xwe yên alîkariyê bênavber dewam dike.

Weqfa Karwana Hêvîyê li Efxanistanê jî xebatên xwe dabû destpêkirin û hê jî xebatên xwe bê navber didomîne. Weqfa Karwana Hêvîyê gelek lazimatîyên xelkên feqîr û malbatên şehîdên ku ji teref Emrîqa û welatên emperyalîstan ve hatine şehîd kirin bicîh tîne.

Serokê Weqfa Karwana Hêvîyê Cengîz Kurtaran derbarê xebatên xwe yên li Efxanistanê de agahîyan da.

Kurtaran di axavtina xwe de weha got: “Berê niha me li xezneya Efxanistanê  û li herêma Melekdînê xebatên xwe yên alîkariyê kiribû. Me qurbanên nezrê û xêrên din ên xêrxwazan li herêmê belav kir. Înşallah wê bi alîkarîya xêrxwazan emê bighêjin gelek malbatên feqîr. Me gelek lazimatîyên malbatên feqîr û malbatên şehîdan tedarik kir. Niha jî me li Melekdîn, Darûsselam û herêmên derdora wê zîyaret kir û xebatên me yên alîkariyê li wir jî hatin destpêkirin. Me ji bo malbatên şehîdan ku êtîmê ûmmetê ne, gundekî ava kir. Di vî gundî de  24 xane hene, camîyek heye û cîhê sihetê heye. Em alîkarîyê dikin, lê ew gelekî zêde vê yekê heq dikin. Xwedê xêra xêrxwazan qebûl bike. Em wezîfeya xwe ya pirbûnê ya di navbera feqîr û xêrxwazan de didomînin. Xwedê xêra hemû kesan qebûl bike.” (ÎLKHA)