Li Ommanê li ber mizgeftekê êrîşa çekdarî: 6 mirî, 28 birîndar

Di daxuyaniya ku ji teref polîsên Ommanê ve hat dayîn de hat diyarkirin ku li herêma Vadî El Kebîrê li nêzî mizgeftekê ji teref hinek kesan ve êrîşa çekdarî hat kirin.

Di daxuyaniyê de hat gotin, di encama êrîşê de 6 kes ku di nav wan de polîsek jî heye jiyana xwe ji dest dane û 28 kesên ji neteweyên cuda jî birîndar bûne.

Di daxuyaniyê de hat diyarkirin ku di encama pevçûna ku di dema êrîşê de derketiye de 3 êrîşkar hatine kuştin, lê derbarê kesên êrîşkar de agahî nehat dayîn.

Di daxuyaniyê de hat destnîşankirin ku lêpirsîn û lêkolînên der barê bûyerê de dewam dikin. (ÎLKHA)