Îşxalkeran kampa Nûr Şemsê bombe kirin: 4 şehîd

Rayedarên tenduristîyê yên Tulkerîmê, diyar kirin 4 ciwanên ku dûçarê êrîşî bombeyên rejîma îşxalker bûne şehîd ketin.

Wezareta Tenduristîyê diyar kir ku navê şehîdan ev in: Said Adil Şafi (23), Nimr Enver Ahmet Hamarşah (25), Muhammed Yasir Reca Şehadeh (20) û Muhammed Hasan Xenam Kanûh (22).

Çapemenîya mehellî diyar kir piştî ku ÎHAyên îşxalê ji Haret El-Tarkayê re fûzeyê avêtin li bajara Tulkerîmê teqîneke mezin hat bihîstandin.

Piştî êrîşê rayedarên Fîlîstînê şîna xwe teqdîm kirin û xeyn ji îmtîhanên lîseyê li giştîyê bajêr greveke mezin îlan kirin.

Hat diyarkirin ku ji roja Yekşemê vir ve li kampa Nûr Şemsê bi tevî van 4 ciwanan hejmarê şehîdan derketîye 7 kesan.

Îşxalkeran, ji 7ê Cotmeha 2023yan vir ve li Şerîaya Rojavayê 136 jê zarok 560 kesan şehîd kirîye. (ÎLKHA)