Macron, Meclîsê betal kir û banga hilbijartina pêşwext kir

Emmanuel Macronê Serokomarê Fransayê, ragihand ku ji ber zêdebûna rêjeya dengên partiyên rastgir ên tund di hilbijartinên Parlamentoya Ewropayê (PE) de wî Meclisa Netewî ya Fransayê fesih kir.

Macron diyar kir ku piştî têkçûna di hilbijartinên PEyê de, Fransa wê di 30ê Hezîranê de ji bo tûra yekemîn û 7ê Tîrmehê jî ji bo tûra duyemîn hilbijartinan pêk bîne.

Macron bal kişand ser rêjeya dengên ku rastgirên tund werdigirin û got, "Ji ber vê yekê, di dawiya îro de ez ê nikaribim mîna ku tiştek nebûye tevbigerim." (ÎLKHA)