Doh di encama ketina helîkopterê de Serokkomarê Îranê Îbrahîm Raîsî, Wezîrê Derve Huseyîn Emir Ebdullahiyan û çend berpirsên din canê xwe ji dest dabûn.
Hikûmeta Herêma Kurdistanê ji ber mirina Serokkomar, Wezîrê Derve yê Îranê û şanda pê re di ketina helîkopterê de peyameke sersaxiyê ji hikûmet û gelê Komara Îslamî ya Îranê re şand.
Peyama Serokê Herêma Kurdistanê:
“Nûçeya xemgîn a mirina Serokkomarê merhûm Îbrahîm Reîsî, Wezîrê Derve yê merhûm Husên Emîr Ebdullahiyan û hejmarek ji hevalên wan di ketina helîkopterekê de li Nexşê û me xemgîn kir.
Di vê dema dijwar de, em sersaxiyên xwe pêşkêşî Rêberê Bilind ê Komara Îslamî ya Îranê birêz Seyîd Elî Xamaneî, rêberatî, hikûmet û gelê Îranê, dost, cîran û malbatên wan dikin. Em ji Xwedayê mezin daxwaz dikin ku ruhê merhûm bi dilovaniya xwe şad bike û sebr û aramiyê bide her kesî.
Wefata Serokê merhûm Reîsî ji bo Komara Îslamî, gelê misilman û dostên wê xisareke mezin e, lê em piştrast in ku gelê qehreman ê Îranê û Komara Îslamî dê li ser vê xisarê derbikeve. Xwedê arîkar û parastina hemû kesî bike û bîranîna şehîdan pîroz be.”
Serokwezîrê Herêma Kurdistanê Mesrûr Barzanî bi boneya koça dawî ya Serokomarê Îranê Îbrahîm Reîsî, Wezîrê Derve yê Îranê Emîr Ebdullahîyan û hejmarek berpirsên din ên di encama ketina helîkopterê de canê xwe ji dest dane, nameyek sersaxiyê ji Komara Îslamî ya Îranê re şand.
Peyama Serokwezîrê Herêma Kurdistana Iraqê:
“Em bi helkefta koça dawî ya Serokê Komara Îslamî ya Îranê Ayetullah Seyîd Îbrahîm Raîsî, Wezîrê Derve yê Îranê Husên Emîr Ebdullahiyan û hevrêyên wan sersaxiyên xwe pêşkêşî rêber, hikûmet û gelê Komara Îslamî ya Îranê dikin.
Em ji Xwedayê mezin daxwaz dikin ku giyanê kesûkarên wefat li ser dilovaniya xwe bin û sebrê bide malbat û gelê Îranê bi giştî. Di vê dema dijwar de, em hevxemiya xwe û sersaxîya xwe bi gelê Komara Îslamî ya Îranê re radigihînin.” (ÎLKHA)
Güncel
Güncel
Güncel
Güncel
Güncel
Dünya
Güncel
Güncel
Dünya
Spor
