• DOLAR 16.783
  • EURO 17.497
  • ALTIN 976.05
  • ...
SON DAKİKA
Serokê Giştî yê HUDA PARê: Tişta asayî ew e ku bi siyonîstan re qûtkirina temamê têkiliyan e
Google News'te Doğruhaber'e abone olun. 

Serokê Giştî yê HUDA PARê Zekeriya Yapicioglu di sempozyuma ku partiya wî  ji ber  bi minasebeta Roja Qudsê ya Cîhanê li ser înternetê bi sernavê "Quds di bin dorpêçê de ye" hat tertîpkirin de axivî.

Yapicioglu, xwest ku sempozyûm bi feyde be û diyar kir ku Qudsa mibarek û qibleya wan a ewil Mescîda Eqsa ev zêdetirî 100 sal in di bin îşxalê de ye.

Yapicioglu destnîşan kir ku ji îşgala Îngilîstanê ya ku di sala 1917an da dest pê kir û vir da zulm û zextên li ser Mislimanan tu carî kêm nebûye û destnîşan kir ku Mislimanên Filistînî bi taybetî piştî dagirkirina siyonîstan gelek êş kişandin û bedelên giran dan.

Yapicioglu di berdewama axavtina xwe de destnîşan kir: "Bi taybetî di meha Remezanê de bêdedebîyên li hember hurmeta Mecîda Eqsayê zêde dibin û mixabin îsal jî ev rewş berdewam kir. Li Mislimanên ku li Mescida Eqsayê nimêj dikirin û di îtikafê de bûn, êrîşên hovane hatin kirin. Birayên me di van êrîşan de şehîd ketin, bi sedan ji wan birîndar bûn, bi sedan birayên me dîl hatin girtin, dîsa çend bawermendan ji bo parastina namûs û şerefa ummeta Îslamê û Mescîda Eqsayê xwe ji êrîşên siyonistan re kirin bend. Bi vê minasebetê ez wan şehîdên me yên ku ji bo xatirê Mescîda Eqsayê canê xwe kirin mertal silav dikim. Şehadeta wan pîroz be, ruhê wan şad be."

“Armanca sereke ya siyonîstan dagirkirin û wêrankirina temametî ya Mescid el-Eqsayê ye.”

Yapicioglu bal kişand ser êrîşên li ser Mescîda Eqsayê ku di çarçoveya planeke diyarkirî da hatin kirin û wiha got: "Armanca sereke ya siyonîstan bi temamî dagirkirina Mescida Eqsayê ye, heta hilweşandina mizgeftê û avakirina Perestgeha Silêman e. Bi rastî jî hebûna Mescîda Eqsayê ji aliyê siyonîstan li ber  "Erz-î Mevûd"ê ku ew diyar dikirin axên wa’adkirîne  wekî astenga herî mezin dibînin. Siyonîst bawer dikin ku dema ku ew vê astengiyê rabikin ew ê zûtir bigihin hedefên xwe. Hemd ji Xwedê ra, têkoşîna destanî ya birayên me yên Filistînî heta niha pîlanên xerab ên siyonîstan têk birin. Lê belê siyonîst ranawestin, çi ji destê wan bê ew ê bikin, ew ê bêtir xwînê birijînin. Bigihêjin armancên xwe yên qirêj, dê malên Filistîniyan hilweşînin, erdên wan dagir bikin, dê zirarê bide gelek misilmanan.”

“Divê Misliman bi Qudsê re razên û bi Qudsê re rabin"

Yapicioglu diyar kir ku êrîşên li dijî Mescîda Eqsaya ku muqeddesata herî pîroz a ummeta Îslamê ya ku 1 milyar û 800 milyon nifûsa wê  heye, tên kirin nayên qebûlkirin û wiha got: "Di rojeva Mislimanan da mesela Eqsa û Qudsê cihê ku heq dike bigire. Divê Misliman bi Qudsê re razên û ji Qudsê re rabin. Hemû plan û hesab divê li gorî Qudsê were çêkirin.Divê Quds her tim di hiş û zikrê Mislimanan de be û Mislimana divê bi Qudsê razên û rabin.”

"Ji ber ku pêvajo dirêjtir dibe, em ê neçar bimînin ku berdelên giran bidin"

Yapicioglu di berdewama axavtina xwe de destnîşan kir “Heta Quds azad nebe ummet azad nabe.” Û dû re wiha li axavtina xwe zêde kir: “Heta ku dagirkerî berdewam bike ummeta Îslamê ne aştî û ne jî rûmetê dê bi dest bixe. Di vê çarçoveyê de ji bo ku doza Qudsê bikeve rojeva Mislimanan, îna dawî ya meha Remezanê bi salan li tevahiya ummetê wek 'Roja Qudsê ya Cîhanê' tê qebûlkirin. Divê ev roj ne tenê rojên axaftinên qehremaniyê bin, her wiha ji bo bidawîkirina dagirkeriyê hesabên demkurt, navîn û demdirêj bên kirin. Xala destpêkê ya van plan û hesaban ew e ku di navbera Mislimanan de yekîtî û hevgirtin çêbibe. Em ji bîr nekin ku Quds û Mescîda Eqsayê ne ji ber ku sîyonîst pir bi hêz û mêrxas in, ji ber ku Misliman ji hev belav bûne û pasîf in, di bin esaretê de ne. Weke ku me berê jî di gelek caran de diyar kiribû, divê em vê mijarê ji axaftinê derbas bikin. Ji ber ku pêvajo dirêjtir dibe, em ê neçar bimînin ku bihayên giran bidin. Ez bi vê munasebetê careke din bang li lîderên welatên Îslamê û kes û pêkhateyên ku pêşengiya Mislimanan dikim.Heger em dixwazin Xweda ji me razî be û gelê me bi qenciyê me bi bîr bîne - û em vê dixwazin - bila nakokî û nakokiyên di navbera xwe û hesabên sade yên berjewendiyê de bidin aliyekî, werin em wek xwişk û bira wek ku Xwedê ferman kiriye li dora doza Qudsê bibin yek . Ger em karibin vê bi dest bixin,  bi izna Xwedê dê derîyê zaferê li ber me vebe.Ez bang li rêvebirên welatên îslamê dikim: Heke hûn ji bo azadiya axa pîroz û Beytul Meqdisê nikarin tiştekî bikin, bi kêmanî ji bo rizayê Xwedê xwe ji alîkariya zalimên dagirker dûr bixin.”

"Tiştê normal qutkirina hemû têkiliyên bi siyonîstan re ye"

Yapicioglu di dawîya axavtina xwe de wiha got: "Di dawiyê de ez dixwazim bi xêzkirina van xalan dawî li axavtina xwe bikim. Her têkiliya bi sîyonîstan re dê doza Qudsê qels bike, birayên me yên li wir li ser navê ummetê şer dikin aciz bike, dê dagirkeran kêfxweş bike û dê dagirkerî û qetlîamên nû bi xwe re bîne.” (ÎLKHA)

 



Bu haberler de ilginizi çekebilir