Hat ragihandin bernameya LBGTê ya ku dihat xwestin li Mêrdînê bê tertîpkirin  ji ber bertekên ku hat nîşandan hat betalkirin. Lê belê tê diyarkirin bername  hatiye taloqkirin dîrokeke din ku ev yek jî diyar dike hêj tê xwestin ev xeletî bê domandin.

Berî niha li Mêrdînê çendîn bar hat xwestin ku bernameyên LBGTÎyan ên ku bêexlaqî û bêedebîyê di nav  civakê de belav dikin bên tertîpkirin ku Mêrdînî her tim li dijî vê bêexlaqîyê rawestîyan  û bernameyan dan betalkirin.

Li bajêr vêcar jî bernameya LBGTÎ  ya bi navê “Komxebata Jinan a Mehelî ya Yekemîn” di bin organîzasyona Şaredarîya Bajêra Mezin a Mêrdînê de ji teref  TMMOBê ve dihat xwestin bê tertîpkirin. Dihat diyarkirin ew ê di komxebata ku dê li salona konferasê ya şaredarîyê hatiba tertîpkirin de mijarên mîna “Newekhevîya Zayendî ya Civakî, Sosyalîzasyona Cûdakarî û Pêşdarazê, LBGTÎ û Têgehên Bingeh û Bûkên Zarok, Daneyên Îstatîkî yên Dayikên Zarok” hatiba axavtin.

Mêrdînîyên ku derbarê vê bernameya “LBGTÎ û Hevzayendî”yê ya ku dê li navendê bê tertîpkirin de ji ÎLKHAyê re axivîn, destnîşankirin ew naxwazin navê bajarê wan bi wê bêexlaqîya ku bûye sedema helakbûna qewmê Lût bê bîranîn.

Hat diyarkirin bernameya LBGTê ya ku dihat xwestin li Mêrdînê bê tertîpkirin  ji ber bertekên ku hat nîşandan hat betalkirin. Lê belê tê diyarkirin bername  hatiye taloqkirin dîrokeke din ku ev yek jî diyar dike hêj tê xwestin ev xeletî bê domandin.(ÎLKHA)