Behram Qasimîyê Berdevkê Wezareta Karên Derve yê Îranê, ziyareta ku ji teref serokwezîrê rejîma siyonîstan ve li Ummanê hat kirin rexne kir û got " Ev rejîm dixwaze di nav welatên Misliman de îxtîlafê derîne û wan zilmên ku 70 salan li xelkê Filistîn ê mezlûm  tên kirin veşêre."

Qasimî di berdewama axavtina xwe de diyar kir " Li gorî me welatên Îslamê di bin zexta Qesra Spî de ne. Ew lobîyê siyonîst a li Amerîka, zextan li welatên Îslamê dikin da ku pêwendîyên xwe yên bi vê rejîmê re asayî bikin. Li ber daxwazên xeyrî meşrû yên li Amerîka û rejîma siyonîstan stûxwarkirin dê bibe sedem ku ew li herêmê bibin xwedî gotin û dê bibe sebeb ku mafên xelkê Filistînê bên piştguhkirin.(ÎLKHA)