Ew ê bi defîleyan problemên xelkê Cizîrê bên çareserkirin?
Li Şirnexa Cizîrê xelk ji ber gelek zehmetî û probleman di nav zehmetîyan de ye, lê belê di bin navê "moda"yê de tê xwestin ku "defîle" bê tertîpkirin ku ev yek di raya giştî de bû sedema reaksîyonan.
Hat ragihandin ew ê li Cizîra Şirnexê bi piştevanîya Odeya Pîşesazî û Bazirganîyê, Şaredarî, Qeymeqamtîya Cizîrê "defîle" bê tertîpkirin. Ev tiştê ku nakeve nav sînorên exlaqê û jê re dibêjin "defîle" di nav xelkê de bû sedema bertekan.Digel temamê problem û zehmetîyên heyî yên li Cizîrê tê xwestin ku ev "defîle" bê terîtpkirin ku di raya giştî de ev pirs tê kirin "Ew ê bi defîleyan problemên xelkê Cizîrê bên çareserkirin?"
Ew ê bi defîleyan problemên xelkê Cizîrê bên çareserkirin?
Qeymeqamtî di daxuyanîya ku da de derbarê "defîle"ya ku dê di bin navê "moda"yê de bê tertîpkirin de wiha got " Ji bo rabirdû û dahatû bên ba hev, ji bo em li nirxên xwe xwedî derkevin û ji bo mîrata me ya çandî ji nesla nû re bê nasandin bername tê tertîpkirin." Daxuyanîya qeymeqamtîyê ev e; lê belê di raya giştî de ev pirs tê kirin "Ew ê bi defîleyan problemên xelkê Cizîrê bên çareserkirin?"
Di raya giştî de tê diyarkirin gelek problemên mîna aborî, civakî û bêkarîyê yên Cizîrê hebin jî ev yek nayên dîtin û bo van tiştek nayên kirin û di ser vê yekê de bi mesref û pereyên zêde konser û defîleyên ku pê exlaqa civakê tên xerakirin û nirxên bawerîyên civakê pê tên îfsadkirin tên kirin ku divê ev yek bê betalkirin û di şûna van de fealîyetên ku bi nirx û bawerîyên xelkê herêmê re gûncav in û ne dijberê wan in bên kirin.
Her weke dê bê bîran di meha Remezanê de ji teref Qeymeqamtîya Cizîrê û Şaredarîyê ve li Taxa Qaleyê li Parka Birca Belek konsereke ku dijberê manewîyeta Remezanê be û qîz û law tevlîhevbûn hatibû tertîpkirin; encax digel temamê bertek û reaksîyonan konser nehatibû betalkirin.(ÎLKHA)