Dayika Şamsa berî vê çend rojan ji ber ku nexweşîya wê lê zêde kiribû hatibû rakirin nexweşxanê û daxwaz kiribû ku cara dawî her du lawên xwe yên Yûsufî bibîne. Lê belê digel temamê serîlêdanan rayedaran bersiveke erênî nedabûn teleb û daxwaza dayika nexweş.

Şamsa Çîgdema dil bi kul doh na pêr bi hesreta lawên xwe yên Yûsufî çû rehma Xwedê û ji teref hezkirî û naskirîyên xwe ve hat definkirin. Nasên malbata Çîgdemî serî li Serdozgerîya  Komarê ya Sêweregê dan da ku Yûsufîyên bi navê Mehmet û Sadun Çîgdem beşdarî merasîma definkirina dayika xwe bikin; lê belê serîlêdan nehatibû qebûlkirin.

Malbata Yûsufîyan, vêcarê ji bo her du bira beşdarî tazîyeya diya xwe bibin serî li Serdozgerîya  Komarê ya Sêweregê dan. Bi destûra ku hat dayîn û her du bira di bin tedbîrên ewlehîyê de di seat 11.00an de hatin anîn mala şînê.

Her du bira ji teref malbat, naskirî û hevaldozên wan ve bi kêfxweşî hatin pêşîwazîkirin.

Hat hînbûn ew ê her du bira berêvarî dê bin birin girtîgehê. (ÎLKHA)