"Amerîka dixwaze digel Rûsya li Sûrîyê Sykes-Picoteke nû îmze bike"
Arîkarê Serokê Giştî yê HUDA PARê Seîd Şahîn derbarê êrîşên ku li Sûrîyê ji teref rejîma terorê siyonîstan ve li Îranê tên kirin de nirxandinan kir destnîşan kire Amerîka dixwaze digel Rûsya li Sûrîyê Sykes-Picoteke nû îmze bike.
Şahîn di nirxandina ku kir de destnîşan kir betalkirina peymana nukleer a ji teref Amerîka ve û êrîşên ku ji teref rejîma çeteya terorîst ve li Sûrîyê li Îranê tên kirin bo rakirina astengên li ber tetbîqkirina "Projeya Rojhilata Navîn a Mezin" e.
"Piştî ku Îran ji Sûrîyê bê derxistin ew ê di navbera Amerîka û Rûsyayê de mîna peymana Sykes Picot peymanek bê îmzekirin"
Şahîn di berdewama axavtina xwe de diyar kir siyonîst ji xwe re damezrandina "dewleta îsraîl a mezin" a ku navenda wê Rojhilata Navîn e kirine hedef û dû re wiha li axavtina xwe zêde kir: " Amerîka jî bo siyonîst bigihijin hedefên xwe ji wan re xizmet dike. Bo Îran ji Sûrîyê vekişe mudaxele tên kirin. Piştî ku Îran ji Sûrîyê bê derxistin ew ê di navbera Amerîka û Rûsyayê de mîna peymana Sykes Picot peymanek bê îmzekirin. Trump piştî Sûrîyê amadehîya mudaxelekirina li Îranê dike. Dema ku karê Amerîka bi Siûd re xera bû ew ê Siûdî jî tevlî hev bike. Amerîka bo axên di hedefê de ji teref siyonîstan ve bên îşxalkirin amadehîyan dike."(ÎLKHA)