Trump ji ser twîtterê derheqê Îran û Pakîstanê de parvekirinan kir
Serokê Amerîka Donald Trump ji ser twîtterê nivîsand "Ew ê alîkarîyên ku ji Pakîstanê re tên kirin bên dawîkirin û li Îranê jî wextê guherînê ye."
Serokê Dewleta Amerîkayê Donald Trump ji ser hisaba xwe ya twîtterê derbarê Îran û Pakîstanê de parvekirinan kir û bi van parvekirina helwest û nexşeya li hember van her du dewletan diyar kir.
Trump di parvekirina ku ji ser twîtterê parve kir de derbarê Pakîstanê de wisa got: "Pakîstan bênavber ji temsîlkarên teror, kaos û şiddetê re dibe bendera ewlehîyê. Amerîka bi şikleke ehmeqane di 15 salên dawî de zêdetirî 33 milyar dolar alîkarî ji Pakîstanê re kir. Lê kesên ku serokên me ehmeq dihesibînin ji derew û xapandinan pê ve tu tişt nedan me."
Trump bi heman awayî derbarê xwepêşanên ku li Îranê rû dane de jî wisa got: " Îran digel peymana ku bi birêveberîya Obama kir re dîsa jî li her derî bi qûsir tevdigere. Ew xelkê Îranê yê muhteşem bi salan e ku di bin zextan de ye. Ji xurek û azadîyê re pêdivîya wan heye. Digel mafên însanan temamê dewlemendîyên Îranê tên talankirin. ÊDÎ WEXTÊ GUHERÎNÊ ye."(ÎLKHA)