Xelkê hermê derbarê erdheja  bi mezinahiya 7.3an a ku li ser sînora Kurdistana Îran û Iraqê pêk hat de diyar kirin gelek kes jiyana xwe ji dest dan û hejmar ji reqamên fermî zêdetir e.

Mamoste Ahmed Behramiyê ku rayedarê Cemaata Islah û Dawetê destnîşan kir di erheja bi mezinahiya 7.3an a ku li ser sînora Kurdistana Îran û Iraqê pêk hat de gelek zêde kes jiyana xwe ji dest dane.

Abdulazîz Selîmî yê ku Mutercîmê Kurdistan û Katibê Yekîtiya Alimên Îslamê ye jî derbarê mijarê de diyar kir hejmara kesên ku jiyana xwe ji dest dane nêzî hezar û 200 kesan e û nêzî 5 hezar kesan jî birîndar bûne.

Behramî di berdewama daxuyaniya xwe de wiha axivî: " Di qada 150 kîlometreyî ya ji Cavanrutê heta Serpolê Zehab 50 hezar mal, 70 mizgeft û 70 medrese zirar dîtin û tahrîb bûn.Her wisa nêzî 4 hezar kesan jiyana xwe ji dest dan û 10 hezar kes jî birîndar bûn. Digel mirinan gelek heywan jî telef bûn."

Di raya giştî de hatibû parvekirin ku di erdhejê de Li Kurdistana Îranê 530 kes jiyana xwe ji dest dane û 7 hezar û 500 kes birîndar bûne. (ÎLKHA)