Hat ragihandin ev bû 7 sal ku dest bi çêkirina rêya ku dirêjahiya wê du kîlometre ye û di navbera Bihoroka Hop-Rişmil hatiye kirin, lê belê hêj çêkirina rê xelas nebûye. Ji ber kur ê xerabûyî ye û ji ber toza ku radibe him ajokar û him jî welatî ji rewşê re bertek nîşan dan û ji rayedaran daxwaz kirin ku çareyekê ji vê mişkîlê re bibînin.

Ajokarê bi navê Mehmet Guler derheqê mijarê de diyar kir xebat bi şikleke bêplan û bêhisap tê çêkirin û dû re wiha li axavtina xwe zêde kir: " Di vê riyê de miorov nikare bi 30 kîlometre sûretî jî here, lewra pir bi xetere ye. Li vê derê gelek qeza pêk tên."

"Em di vê rêyê de gelek zehmetiyan dikşînin"

Zubeyr Yilmazê şofêrê qamyonê ye jî derheqê mijarê de diyar kir ev 7 sal e ku hêj xebata rê nehatiye xelaskirin û dû re wiha li axavtina xwe zêde kir: " Me fêm nekir çima di van 7 salan de rê xelas nekirin. Ji ber ku em her tim vê rêyê bikar tînin em gelek zêde zehmetiyê dikşînin. Em din av tozê de dimînin. Em di vê rêyê de gelek zehmetiyan dikşînin. Em hêvî dikin ev rê berî kêlîkê bê xelaskirin."

Şofêrekî ku naxwast navê xwe bide jî diyar kir di vê rêyê de gelek qeza çêbûne û gelek kes jiyana xwe ji dest dane. Kesê binavê Yusuf Barma jî diyar kir ji ber toza rê mala wan her tim di bin tozê de dimîne û ew êdî ji vê rewşê aciz bûne.(ÎLKHA)