Ji ber ku Eyda Qurban nêzbûye li Diyarbekitê merivekî xêrxwaz ji Weqfa Yetîman re bexşê kir û cilan li 120 zarokên yetîm û sêwî kir.

Vedat Bîlgeyê Temsîlkarê Rezan û Endamê Komîsyona Weqfa Yetîman e derheqê xebata alîkariyê ya ku hatiye kiri n de agahiyan da. Bîlge destnîşan kir ew ji 120 zarokan alîkariya cil û bergan kirine  û ew ji xwe re kirine armanc ku ji 700 zarokan re alîkariyê bikin. Bîlge dû re wiha li axavtina xwe zêde kir: "

"Ger yetîm bikenin ew ê temamê dinyayê bikene"

Bîlge ji bo ku ew karibin bigihijin armanc û hedefên xwe divê kesên xêrxwaz gelek zêde hesas bin û dû re wiha li axavtina xwe zêde kir: "  Em di vê eydê de dixwazin ji 700 zarokên yetîm re alîkariya cil û bergan dikin. Lê belê  ji ber bêderfetî û bêîmkaniyan  me bi wesîleya xêrxwazekî encax ji 120 kesên yetîm re alîkarî kir. Me dixwast gelek yetîmên din jî kêfxweş û bextewar bikin. Divê kesên xêrxwaz di vî warî de gelek zêde hesas bin û em ji wan re banga alîkariyê dikin."

Aysel Yildirim û Fatma Dogruya ku diya zarokên yetîm in ji Weqfa Yetîman re teşekur kir û got ku weqf li zarokên wan xwedî derdikeve û gelek feydeya wan li zarokên wan heye û her tim destekê didin wan.

Zarokên yetîm ên bi navê Gulcan Yontem, Tugba Gulden Ahmet Gulden û Muhammed Dogru jî derheqê alîkariya ku ji wan re hatiye kirin de destnîşan kirin Xweda ji wan razî be, em ji ber alîkariya ku hatiye kirin kêfxweş in.(ÎLKHA)