Dermanên acîl dê bi 'droneya mehelî' bên veguhastin
Li Bûrsayê xwendekarên lîseyê ji xwe re kirine hedef bi projeya ku amade dikindermanên acîl bi 'droneyên mehelî' biveguhezînin.
Li Bûrsayê ji teref TUBÎTAKê ve pêşbaziyek hat tertîpkirin. Di pêşbaziya ku hat tertîpkirin de xwendevanên bi navê Ugur Temîzsoy û Mehmet Arda Denîz bi projeya ku amadekirin di şaxa fîzîkê de bûn yekemîn. Bi projeya ku ji teref xwendevanên lîseyê ve hatiye amadekirin dê dermanên acîl karibin bi ‘droneya mehelî’ bên veguhastin.
“Gundên ku rêyên wan dihatin girtin ji me re bûn îlham
Ugur Temîzsoyê 17 salî yê ku li ser projê dixebitî diyar kir ew di destpêkê de ji bo kêfê dest bi vê projê kirine. Temîzsoy di berdewama axavtina xwe de diyar kir ew navê ‘Me Drone’ li wesayîta xwe kirine û wiha pê de çû: “ Ji bo em droneya xwe saz bikin me gelek amûr berhev kir û me balafira xwe yê bêînsan çêkir. Di roja me de veguhastina dermanên acîl gelekî bi mesref e û gelek zêde wext digre. Lê me bi ‘Me Drone’ya xwe him wext û him jî mesrefê daxist asta herî hindik. Em 5-7 deqeyan de digihijin wê cihê xwe kuryeya bi motor 20 deqeyan de digihijîyê. Ji çêkirina vê projeyê re gundên ku rêyên wan dihatin girtin bûn îlham.”
Mehmet Arda Denîzê ji çêkerên projeyê ye jî di derbarê mijarê de diyar kir taybetiyeke cuda ya balafira wan a bêînsan heye ku ew jî tê de hebûna GPSê ye.(ÎLKHA)