Li Rihayê ji teref Dîn-Bîr-Dera Şaxa Rihayê ve piştî nimêja înê di Platoya Balikligolê de ji bo Mislimanên li Arakanê ji teref Budîstan ve wehşiyane hatine qetilkirin nimêja cinazê ya xiyabî hat edakirin û dûvre daxuyanî hat dayîn.

Serokê Şaxa Rihayê yê Dîn-Bîr-Derê Şakîr Guven diyar kir ku dengê Mislimanên Filîstîn, Sûriye, Iraq, Yemen, Lîbya, Keşmîr, Efxenistan û Arakanê nayê bihîstin.

Guven destnîşan kir ku îro ji bo Mislimanan rojek girîng e. Dûvre Guven wiha li axavtina xwe zêde kir: “Di mekaneke wiha mibarek û zemanê de em hatin cemhev û me piştgirî da hev. Me berê xwe da Rebbê xwe. Em bi eşqê Xweda û Pêxemberê Xweda bûn perwane. Silav li ser wan kesên ku bi vê muhebbetê dihesin bibe.”

“Çima Misliman ket vê rewşê”

Guban ragihand ku ax û nalîna Mislimanên Arakanê nayê bihîstin. Dûvre Guven wiha destnîşan kir: “Li ax û fîxana gelê Filîstîn, Sûriye, Iraq, Yemen, Lîbya, Keşmîr, Efxenistan û li Arakana ku wehşeta herî dijwar li wan tê kirin, însan ku ew mal û avahiyên wan tên şewitandin, dibêjin; ‘Mislimanên ku dê me xelas bikin tune?’tê bihîstin.”

Mislimanên Arakanê ji ber ku rast e rast dibêjin “Rebbê me Xweda ye” tên şewitandin

Guven bal kişand ku li Flîstîn û Qudsê hewl tê dayîn ku bang were qedexekirin. Dûvre Guven wiha dawî li daxuyaniyê anî: “Kanê yekitiya leşkerî ya Ummetê? Kanê yekitiya çandî, siyasî û aborî? Deme ku ev hemî pêk neyê tu bi çi wechê wek umîdvar li îstîqbalê mêze dikî? Bifikirin û werin hemdê xwe. wek emcam em dibêjin dema ku li Filîstîn û Qudsê di Mescîdê Aqsa de banga Muhammedî tê kerrkirin, li Bangladeşê rêber tên îdamkirin li Sûrî, Iraq û Yemenê xwîna Mislimanan diherike û li Arakanê Mislimanên ji ber ku bes gotine ‘Rebbê me Xweda ye’ tên şewitandin hûn li kû ne?” (ÎLKHA)