Ji ber minasebeta Roja Mafên Zarokên Cîhanê  ji teref Serokê Karên Diyanetê Prof. Dr. Mehmet Gormez ve peyamek hat weşandin.Di peyama ku hat weşandin de  hat ragihandin ‘Îstîsmarkirina dahatû, beden û keda zarokan  xala herî dawî ya teessuh û îflasa însanetîyê ye.”

Gormez di berdewama peyama ku weşand de destnîşan kir mehfkirina jiyana zarokekî/ê  mehfkirina dahatûyê ye û dû re wiha domand: “Hest û ramanên zarokan bi qedr û qiymet û can û bedena wan jî destnedayîn e.Di dorhêleke bi hizûr, ewlehî û bi tendurîstî de mezinbûn heqê tabîî  ya xuliqandina wan e. Îstîsmarkirina dahatû, beden û keda zarokan  xala herî dawî ya teessuh û îflasa însanetîyê ye.Îstîsmarkirina zarokan sûceke wisa giran e ku  hisabê vê yekê him li ba Xweda û him jî li ba însanetîyê nayê dayîn.Bi her cûr îhmal û îstîsmarkirinê re mucadelekirin wezîfeyeke hiqûqî û însanî ye.”

Gormez di berdewama axavtina xwe de destnîşan kir pêwîst e zarok weke ku emaneta Xweda bin bên mihafezekirin û wiha pê de çû: “Tu zarokên qîz bêyî riza wê, berî li ser xwe girtina taybetiyên dayîktiyê û berî ku mana hevserbûnê fêm bike nikare bê zewicandin.Tu zarok ji bo xirs, hêz, îqtîdar û ji bo kişandina bar û şidetê şer nikare bê mexdûr û mezlûm kirin.Ew zarokên ku ji Xweda ji me re emanet in pêwîst e xwedî li wan bê derketin da ku di bin barên hestî û bedenî de neyên eciqandin.Însanetî heta ku ji bo zarokan başî û qenciyê nefikire, wan ji ser temamê menfeatên dinyayê negire û bi çavê xelîfebûna bi qedr û qiymet a erzê  li zarokan nenêre qet îflah nabe.”(ÎLKHA)