Numan Kurtulmuş: Parlementerê HDPyî li Colemêrgê hat binçavkirin
Arîkarê Serokwezîr û Berdevkê Hikûmetê Numan Kurtulmuş destnîşan kir Parlementerê Colemêrgê yê HDPê Nîhat Akdogan di têketina Colemêrgê de hatiye binçavkirin.
Arîkarê Serokwezîr û Berdevkê Hikûmetê Numan Kurtulmuş piştî civîna Lijneya Wezîran daxuyaniyek da.Kurtulmuş di daxuyaniya ku da de destnîşan kir Parlementerê Colemêrgê yê HDPê Nîhat Akdogan di têketina Colemêrgê de hatiye binçavkirin.
Kurtulmuş di berdewama daxuyaniya xwe de wiha destnîşan kir: “Di derheqê 15 parlementeran de qerara girtinê hebû.Heta niha 12 ji wan hatin girtin.Mehkeme di derheqê 9an qerara girtinê û di derheqê 3an de jî berdana şerta kontrola edlî da.3 parlementer jî firar in. Ji van parlementerên firar, Parlementerê Colemêrgê yê HDPê Nîhat Akdogan di têketina Colemêrgê de hatiye binçavkirin.”
Êrîşa bombeyî ya li Diyarbekirê
Kurtulmuş di berdewama axavtina xwe de di derheqê êrîşa bombeyî ya ku li Diyarbekirê hat kirin de jî wiha destnîşan kir : “Ev êrîşa ku hat kirin ji teref ajanseke xeberan a navneteweyî ve li rêxistineke din a terorê hat malkirin û ji stûyê PKKê hat derxistin.Lê belê di 3 axavtinên telsizan de ji ser kesê bi kodnavê ‘Kemal’ agahî hatin teyîtkirin.Hat teyîtkirin ev êrîş ji teref TAKê ve hatiye kirin.”(ÎLKHA)