Serokê Karûbarên Diyanetê Prof. Dr. Mehmet Gormez bi wesîla organîzasyona qurbanên sala 2016an a Weqfa Diyanetê ya Tirkiyê bi dildarên TDVyê yên ku li 130 welatan û 530 herêman goştê qurbanê belav kirine re hat cemhev.

Serokê Karûbarên Diyanetê Gormezê ku di konferansa Weqfa Diyanetê ya Tirkiyê de axivî diyar kir ku mirovahî merhemet û dilovaniya xwe ji dest daye. Gormez qala qetlîamên ku li Helebê çêdibe kir û destnîşan kir ku bêdengiya ji van qetlîaman re ji bo mirovahiyê wehşeta herî mezin e. Ev yek jî ji bo mirovahiyê pir xeternak e.

“Bêdengiya dinyayê ya hemberê qetlîamên li Helebê çêdibin ji bo mirovahiyê xeternak û wehşeta herî mezin e”

Gormez bal kişand ku wehşeta herî mezin ew e ku mirov ji qetlîaman re bêdeng bimîne. Dûvre Gormez wiha li axavtina xwe zêde kir: “Li ber çavên însanan li Heleba ku navenda şaristana herî mezin a mirovahiyê ye me bi hev re mêze kir ku di nabeyna enqazan de zarokan derdixistin. Ev cinayet, qetlîam, wehşet û dehşetên pir mezin in. Lê wehşet û dehşeta herî mezin çiye hûn dizanin? Bêdengiya dinyayê ya hemberê qetlîamên ku li Helebê çêdibin ji bo mirovahiyê xeternak û wehşeta herî mezin e.” (ÎLKHA)