PKK li gundê ku lê qetlîam kir xelkê bi hevkariyê sucdar kir
Her weke ku tê zanîn li gundika Baqewsa girêdayê Sura Diyarbekirê kesên PKKyî qamyona bombebarkirî înfîla kiribûn û bûbûn sedem ku 16 kes jiyana xwe ji dest bidin.PKK di qetlîma ku kir de gundiyan û kesên ku di teqînê jiyana xwe ji dest dane bi 'hevkariyê' îtham kir.
Her weke ku tê zanîn li gundika Baqewsa girêdayê Sura Diyarbekirê kesên PKKyî qamyona bombebarkirî înfîla kiribûn û bûbûn sedem ku 16 kes jiyana xwe ji dest bidin. PKK di daxuyaniya ku di derbarê mijarê weşand de gundiyan him bi hevkariyê îtham kir û him jî diyar kir kesên ku bombe înfîlak kirine gundî ne.
Dî daxuyanîya ku hatîye dayîn de her wiha hat diyarkirin ku di qamyonê de teqemenî hebû û ew wê teqemeniyê dibirin cihekê din, lê gundiyan wan asteng kirine. Hat hînbûn di hilbijartinên parlementeriyê de HDP ji vî gundî ji sedî 80ê rayan girtiye, lê belê ev îthama hevkariyê ya ku PKK li gundiyan kiriye bi şikleke baş dide fêmkirin ku PKK dema ku bixwaze hemû kesî wek ajan û hevkar dide nîşan.
Bi şikleke aşkere tê zanîn kesên PKKyî qamyona bombebarkirî di têketina gund de danîne û ji ba qamyonê dûr bûne û dema ku gundi hatinen ba qamyonê kesên PKKyî li ser gundiyan û qamyonê de guleyan reşendine û ji ber vê yekê jî teqemeniya di qamyonê de teqiyaye û 16 kes di teqînê de jiyana xwe ji dest dane.Digel vê rastiya ku tê zanin hat diyarkirin PKK hewil dide da ku li ser vê qetliama ku wî bı xwe kiriye bigire.( ÎLKHA)