Hat îddîa kirin 'Bingeha Pira Devlet Bahçelî' qeçax a
Hat diyarkirin Pira Devlet Bahçelî ya ku ew ê li ser navê Serokê MHP Devlet Bahçelî li Edenê bê avakirin û 4emîn pira dirêj a Tirkiyê ye bêyî ku projeya sepanê bê tesdîqkirin bingeha wê hatiye avêtin.
Serokê Şubeya Edenê yê Odaya Muhendisên Înşaatê H.Çagdaş Kaya îddîa kir ku Pira Devlet Bahçelî ya ku ew ê li ser navê Serokê MHP Devlet Bahçelî li Edenê bê avakirin û 4emîn pira dirêj a Tirkiyê ye bêyî ku projeya sepanê bê tesdîqkirin bingeha wê hatiye avêtin û ev avêtina temela pirê ji bona şowê hatiye avêtin.
“Divê raya giştî bê ronîkirin”
Kaya di berdewama axavtina xwe de diyar kir ev avêtina temela pirê ji bona şowê ye û dûvre wiha li axavtina xwe zêde kir: “ Serokên Şaredariyan bi zihniyeteke ‘Min çêkir û xelas bû’ nikarin li ser paşaroja xelkê bibin xwedî axavtinê.Divê raya giştî di derbarê vê mijarê de bê ronîkirin.”
Her weke ku ew ê bê bîran di 30ê Adarê de temela Pira Devlet Bahçelî bi beşdarbûna Serokê MHPê Devlet Bahçelî bi merasîmekê hatibû avêtin.(ÎLKHA)