Li Farqînê êrîş: 1 mirî
Li Farqîna Amedê di derdora nîvro de êrîş li qehwexaneyekê hat kirin. Di êrîşê de 4 kes birîndar bûn.
Li Farqînê duh di derdora 11.00an de êrîşa çekdarî li qehwexaneyekê hat kirin.Di êrîşê de 4 kes birîndar bûn. Şexsê bi navê Mehmet Gunduz ê ku di êrîşê de birîndar bûbû jiyana xwe ji dest da.
Li gor agahiyên ku hatin bidestxistin di dema êrîşa ku li qehwexanê hat kirin de Mehmet Gunduz bi şiklekî giran, Abdûlsamed Kesîcî (50), Seyfetîn Kurt(44) û Kutbedîn Çîçek jî bi şiklekî sivik birîndar bûn. Piştî êrîşê, Mehmet Gunduzê ku bi şiklekî giran birîndar bûbû rakirin nexweşxanê. Digel tim midaxaleyan, Gunduz jiyana xwe ji dest da. Hat ragihandin ku Mehmet Gunduz taksîvanî dikir.
Ji aliyekê din ve hat ragihandin ku li Farqînê di pevçûna ku derket de polêsek birîndar bû û qedexeya derketina derve ya ku berî vê 7 rojan dest pê kiribû hê jî didome. (ÎLKHA)