Xelkê Sûrê li ser agir e
Li Sûra navçeya Amedê ji ber ku kesên PKKyî hendekan dikolun û barîkatan înşa dikin xelkê Sûrê mexdûr dibe. Xelk ji ber tirsa pevçûnan nikarin biçin malên xwe.
Li Sûra navçeya Amedê ji ber ku kesên PKKyî hendekan dikolun û barîkatan înşa dikin xelk di navbera du agiran de maye û newêre biçê malên xwe.
Li Taxên Fatîhpaşa, Hasirli , Savaş, Cemal Yilmaz û Dabanogluyê dem dem pevçûn didomin. Ji ber pevçûnan navçê bûye mîna bajarekî ku hatîye terkkirin.
Li ber serê barîkatên ku hatine înşakirin û hendekên ku hatine kolan kesên PKKyî radiwestin. Kesên PKKyî yên biçekdar xelkê ku ji wan re bertek nîşan didin jî tehdîd dikin.
Ji ber pevçûnan li Camîyên Hocaoglu, Hasirli û Kadiyê îbadet nikarin werin edakirin û her wiha li camîyan ezan jî nayê xwendin.
Her wiha di nava heftîyê de li Dibistana Suleyman Nazîf, Lîseya Îmam Xatîp a Alparslan, Lîseya Alparslan û Dibistana Mardîn Kapiyê ji ber pevçûnan navbir ji perwerdehîyê re hatibû dayîn.
Kesê S.T. yê ku li Taxa Fatîhpaşayê rûdinişt ji ber kolana hendekan û ji ber înşaya barîkatên li sikaka Mehmet Biyikli mala xwe terk kir û di derbarê mijarê de wiha axivî: “Mîlîtanên PKKê di destên wan de çekên giran li ber devê derîyê mala me radiwestin. Ji ber endîşeya pevçûna ku îxtîmal e ku ji nişka ve derkeve, me mala xwe terk kir.Di avahîya ku ez lê dimînim de 3 malbat malên xwe terk kirin.”(ÎLKHA)