Li Diyarbekirê li dijî qaçaxçîyan operasyon hat kirin
Hat diyarkirin li Diyarbekirê li dijî kesên ku tê îddîakirin qaçaxçîtîya cixare, sileh û tiryakê dikin operasyon hatin kirin, di operasyonên ku hatin kirin de 16 kes hatin binçavkirin.
Li tevahîya Diyarbekirê li 8 navnîşanên ku tê îddîakirin qaçaxçîtîya sileh, cixare û tiryakê lê tê kirin operasyon hat kirin.Di operasyonan de 16 kesên gumanbar hatin binçavkirin. Her wiha 7 demençeyên bêrûxset, 13 carcûr, hezar û 11 berikên çekên lûle dirêj û lûle kin, 8 fîşekên gazê, 110 hezar û 945 paket cixareyên qaçax ên bihaya wan nêzî 555 hezar lîre ne, 229 kîlo û 985 gram esrar û her wiha 3 wesayît hatin bidestxistin.
Hat ragihandin ji 16 kesên ku di operasyonan de hatibûn binçavkirin kesek hatîye tewqîfkirin û di derbarê 15 kesên din de jî muameleya edlî hatîye destpêkirin.(ÎLKHA)