Di bûyerên ku li Bingolê derketin de 3 kes hatin tewqîfkirin
3 PKKyîyên ku li Bingolê rê birîn û bûyer derxistin hatin tewqîfkirin.
Komek PKKyîyên ku rûyên wan nixumandîbû li Bingolê rê birîn, lastîkan şewitandin û bûyer derxistin, di bûyerên ku derketin de 3 kesên ku hatibûn binçavkirin hatin tewqîfkirin.
Li gor agahîyên ku hatine bidestxistin li Bingolê komek PKKyî îstgehên otobusan şewitandin, kevir avêtin polêsan û bûyer derxistin. Polês mudaxeleyî komê PKKyî kir û 4 kesî bin çav kir.
Li gor beyanata Walîtîya Bingolê di bûyeran de kesên bi navê , S.D.(19), O.B.(18), O.Ç.(29) û Y.K.(17) hatin binçavkirin. Ji van kesên ku hatine binçavkirin S.D.(19), O.B.(18) û O.Ç.(29) bi ‘Sûcên propagandekirina rêxistinê , endambûyîna rêxistina terorê ya bi çek’ hatin tewqîfkirin. Şexsê Y.K(18) jî hat serbestberdan.(ÎLKHA)