Di daxuyanîya ku ji teref Serokatîya Bajêr a Êlihê ya HUDA PARê ve hatiye dayîn de hat ragihandin ku ji kî tê bila bê ev êrîşên nemirovî yên ku tên kirin ew wek HUDA PARê lanet dikin.

Di daxuyanîyê de her wiha hat ragihandin: “Heqê tu kesî tune ye ku hizûra xelkê xera bike. Divê PKK zêdetir xwînê li mafên kurdan neke; her wiha dewlet jî PKK jî divê li ser gelên mezlûm ên Tirkîyeyê hesabên pêşerojê mekin.”

Wiha dawî li daxuyanî hat dayîn: “Ev pêvejoya şer a ku cardin dest pê kir dîsa zirara herî mezin dide xelkê me. Bi xwîn û tundîyê heq nayên telebkirin. Em vî tiştî qebûl nakin. Ji ber vê yekê ji bona xwîna ku dihêrike were sekinandin, em bang li xelkê û sazîyên civakî dikin.”(ÎLKHA)