Sazîyên civakî  yên îslamî yên ku li Diyarbekirê fealîyetan dikin di xwarina fitarê de li hev civîyan. Temsîlkarên gelek komele û sazîyên civakî her wiha ji Partîya Doza Azad û Partîya Saadet  rayedar jî beşdarî vê bernameya fitarê bûn.

Piştî xwarinê temsîlkarê bajêra Amedê ya Memur-Senê  Yunûs Memîş destnîşan kir ku divê misilman di nava yekîtî û beraberîyê de bin.

Sazîyên Civakî yên Sîvîl wê li Qada Şêx Seîd kom bibin

Memîş axavtina her wiha domand: “28ê hezîrana 2015an li Qada Şêx Seîd  ji bona ku him Şêx Seîd di salvegera mirina wî de bi bîr bînîn û him jî ji bona qerarên îdamê yên ku li Misirê şermezar bikin em ê li hev bicivin.”

“Em ê dawa û doza birayê xwe Aytaç Baran bidomînin”

Memîş wiha dawî li axavtina xwe anî: “Birayê me Aytaç Baran, wan rojên derbasbûyî  di êrîşekî bisîleh de hat qetilkirin. Xwedê şehîdîya wî qebûl bike. Ji ber vê yekê divê em safên xwe bijdînin û xwedî li dawa û doza birayê xwe derkevin. Heger em naxwazin ku tiştên bi vî awayî pêk werin, divê em digel hevdu hereket bikin.(ÎLKHA)