Bername bi xwendina mewlûdê dest pê kir. Rûnîştîyên taxa Sogutluyê eleqeyekî mezin dane bernameya Mewlûda Pîroz. Piştî xwendina mewlûdê, hûnermendên îlahîyan cur bî cur îlahî xwendin.

“Rêberê me yê bêhempa û bêmînak Hz. Muhammed e”

Lêkolîner û nivîskar Îsmaîl Çevîk  di bernameya Mewlûda Pîroz de wiha axivî: “ Bernameyên ku îsal ji teref Platforma Evîndarên Pêxember ve tên pîroz kirin bi navê ‘Rêberê Bêhempa Hz. Muhammed’ tên pîroz kirin. Sedema vê binavkirinê ev e: Li gorî rîwayetekî  dema ku Hz. Adem ji cennetê hat qewirandin û tê li ser rûyê dinyayê ji Xwedê re wiha lavayî dike ‘ Ya Rabbê min. Min ji hûrmeta Muhemmeda ku navê wî li cennetê hatîye nivîsîn bibexşene.’ û Xwedê wî efû dike. Ji ber vê sedemê ye ku Rêberê me yê bêmînak , bêhempa Hz. Muhammed e.”

Îsmaîl Çevîk wiha dawî li xeberdanên xwe anî: “Ji bo  em karibin rêya Hz. Muhammed  a ku her tim dibêje ‘Ummeta min, Ummeta min’  bişopenin; divê em gelekî baş bifikirin.”

 Bername piştî xwendina îlahîyan re bi xwendina diayê xelas bû.(ÎLKHA)