Namzetê serbixwe Zekerîya Yapicioglu,  ji bona ji ehlê gundan piştigirîye teleb bike serdanên xwe yên gundan didomene.

Zekerîya Yapicioglu, digel serokê HUDA PARê ya bajoraka Sûrê çûne gundên Kadîya Biçûk,Karanas û Bubyayê yên ku giredayî bajoraka Sûrê ne.. Di dema ziyaretê de dîmene gelekî xweş û germ derketin holê.

Yapicioglu li gundên ku çû ziyareta wan him gazin û gilîyên gundîyan guhdar kir û him ji xelkê gund re daxwazîyên xwe anî ziman.

 Yapicioglu di serdanê de ji ehlê gund re wiha got: “ Em him ji we teleba diayê dikin û him jî ji we dixwazin ku di  hilbijartinan de piştgirîyê bidin me. Heger em bi piştgirîyên we têkevin meclîsê em ê li wê derê  hewl bidin da ku bi şiklekî baş temsîlkarîya we bikin.”

“HUDA PAR bû hêvîya herêmê”

Ehlê gund di derbarê serdan û xebatên HUDA PARê  û derbarê pirsgirekan de hest û ramanên xwe wiha anîn ziman: “ HUDA PAR  bûye  hêvîya  herêmê. Lewra  waye ev bû 30-40 sal ku her kî hatibe hilbijartin  ji vir re xizmet nekir. Me qet  fêdeya wan nedît.”(ÎLKHA)