Unîversîteya Artûklûye de Telabeyê Koma Fikiryayîşê Artûklûyê semedê 'Hewteyê Mustazafanî Cîhanî', yew konferans bi nameyî “Dêrsim ra Heta Helepçe Qîrîya Mazlûman” da.

Konferans, Unîversiteya Artûklîye, bînaya rekturîye mîyan de Heyata Walî Kiliçlarî' de û bi eleqaya gelekî temaşekerdoxan de tîlaveta Kur'an-î Kerîm rey de dest bide kerd.

Qalîkerdoxê konferansî, nuştoxê rojnameyê Doğruhaberî Abdulkadir Turanî wina va;"Dînê İslamî vera zulmî yo û semedo ke mazluman bixelesno esto.

Edetanê ma gore kes rucmê cenaza nêkeno labelê ê ke kenî estî, bi xayîney qetil kenî, bes nîyo balkon ra fînenî cêr, o zî bes nîyo cenaza ser o ereba rey de vîrenî û benzîn piro kenê veşnenê û yew dayike zî bêzer tilîlî kaşkena. Şehîd Yasîn hema 16 serre bi... Yew merdim senî wina qetil beno?

"Misilman û Mazlum yew bî"

Tûranî, derheqê qirkerdena Helepçeyî de "Başûrê Kurdistanî de en dîndar qeza Helepçe bî û kîmyasal erzîyay weyra. Semedo ke gazê Hardalî kaşkê xo mîyan boya saye kerdbî mîyan. Gedan; 'Dayê, boya saye yena!' vatênî. Tayî merdimî rezan û bexçan de xebityaynî tayî merdimî camî de nimajê xo kerdînî tayî merdimî nanê tenûrî viraştînî, tayî merdiman zî gedeyê xo lewnaynî. 5 hezar merdimî şehîd bî, 7 hezar merdimî birîndar bî. Verê ey qirkerdena Hama bînê. Êdî İslam û zilm û Misilman ameynî eynî mana. Winasar yew çî caran nêbeno. Bewnînî tarîxê ma de qirkerdiş çînyo. Tarîxê ma de şer û cîhat esto."

Tûranî vateyê xo wina berdewam kerd; "No 30-40 serrî yo ke ma firêzeyê di merdiman ser eleqadar bî. Înan ra yew Esed o û yew zî Saddam o. Ney herdi merdimî ummet ra qerefnayî û kerdî faşîst. Eses rihê ummet Helepçe de ame bombekerdiş. Eke ê se bikê, ganî ma zî çewtê înan bikê ki o wext ma qezenç kenî. Ma Helepçe de, Hama de yewbinan nêkişt. Nika Irak û Surîye de  zî ma yewbinan nêkişenî. Tayî merdimî înan danî kiştiş labelê ma nê kayî veynenî. Ney pîyonan pey perdeyî de kam kaydano ma înan zî veynenî."

"Yew dayike eşkena yew welat bixelesno!"

Tûranî veng da dayîkan û wina va; "Yew  dayîke eşkena yew welat bixelesno." Tûranî erd vîr zî , Îmam Gazalî û Rayber Bedîuzzaman zî bê pîy pîl bîyî û dayika înan în weye kerdî. Tûranî wina berdewam kerd;"Dayikê ma zaf zanaye nêbî labelê her nimajî semedo ke sureya Er-Rahmanî bigoşdarî, şênaynî gedanî xo berşawî camîye. Wexto ke Dêrsim de Seyîd Riza berd darde kerd, yewerî pey ey de wina veng da: 'Wa no to rê ders bo!' Seyîd Riza zî ageyra va ke: 'Mi yew emir milê xo şima rê çewt nêkerd, wa no zî şima rê derd bo.' Zaf şikir ma zî ney persan her wext înan ra vanî, wa no zî înan rê derd bo.  Homa razî bo."

Badî qalîkerdişî skeçê Helepçe ame temaşekerdiş. Skeç û îlahîyan ra pey konferans qediya.(ÎLKHA)