Polîsan li Elmanyayê êrîşî çalakgerên ku dixwestin piştgiriyê bidin Filistînê kirin.
Bi sedan kes li bajarê Hamburgê li Steindammê li hev civiyan û êrîşên rejîma îşxalker a siyonîst li ser Xezzeyê protesto kirin.
Li ser banga "Muslim Interaktiv" a çalakiyê, bi sedan kes hatin cem hev û êrîşên li ser Xezzeyê protesto kirin.
Xwepêşanderan daxwaz ji rejîma siyonîst kirin ku êrişên xwe yên ser Xezzeyê bi dawî bîne, dorpêçê rake, agirbesta bilez ragihîne û rê bide gihandina tam a keresteyên alîkariyên mirovî bo Xezzeyê.
Di çalakiyê de pankartên bi nivîsa "Li Xezzeyê komkujî heye", "Dawî li îşxalê bînin" û "Agirbest êdî" hatin hilgirtin.
Piştî axaftinan polîsan bi gaza bîberê êrîşî mirovan kir ku xwestin bi komên biçûk belav bibin.
Tewra polîsan bû sedema bertekan. (ÎLKHA)