HAMAS piştî qirkirina li nexweşxaneya li Xezeyê bang li Mislimanên li çaraliyê cîhanê kir ku dakevin qadan

HAMASê bal kişand ku di êrîşa ku ji teref rejima dagirker ve li dijî Nexweşxaneya Gel a Ereban a li Xezeyê hat kirin de bi sedan kes şehîd bûn û bang li Mislimanên cîhanê bi taybetî yên Filistînî kir ku dakevin kolanan.
18.10.2023 00:05:33 / Xeberen Kurdi

Di daxuyaniya HAMAS'ê de hat bibîrxistin ku di êrîşa hovane ya artêşa dagirker a faşîst a li dijî Nexweşxaneya Gel a Ereb a Xezeyê hat kirin de zêdeyî 500 kesî şehîd bûne û bi sedan kes jî birîndar bûne.

Di daxuyaniyê de ev tişt hatin destnîşankirin:

"Em wek tevgera HAMAS bang li gelê Filistînê, gelê Şerîeya Rojava û hindûrê Filistînê, gelê li kampan û li dîasporayê dimînin û bang li gelê xwe yê ereb û ummeta Îslamê îslamê û li temamê cîhanê dikin û ji wan daxwazîya seferberiyeke giştî dikin û bila herkes dakeve kolanan"(ÎLKHA)