Henîyye, derheqê meseleyê de bi vîdeoyê peyamek belav kir, wî di daxuyanîyê de destnîşan kir ku operasyona Tofana Eqsayê ya ku ji bo dawîya îşxala Mescîdî Eqsa û Fîlîstînê destpêk e de dîrok tê nivîsandin.
Henîyye di peyama xwe de weha got:
“Dijminê ku bi artêşa xwe ya tirsonek nikare derkeve li hember cengawerên me, dest bi qetlîaman kir.
Em ê digel desteka Emrîqaya dijmin, wê stratejîya veguherîn û xelasîyê berdewam bikin.
Xelkê Xezzeyê rihê xwe berdane axên Xezzeyê, ew ji welatên xwe re jidandîne, ew ê axên xwe terk nekin û koç jî nekin.
Ez dixwazim ku ji dijmin re bibêjim û bal bidim kişandin, operasyona stratejîk ya ku hûn dûçarê wî bûne nîşan dide ku xelasî û veguherîna me nêz e.
Ji Şerîaya Rojava û Xezzeyê koç tineye, ez dibêjim ku li Xezzeyê ji Misirê re koç tineye û birayên xwe yên li Misirê silav dikim.
HAMAS, daîma bal kişandîye ku ew sîvîlên îxtîyar an jî ciwanan tu dem hedef negirtîye.
Ez ji xelkê ku li welatên Erep û welatên dinê protestoyan dikin re teşekur dikim û bang li wan dikim ku bila wan protestoyên xwe bidomînin.
Ez ji hemû alîgirên xwe yên ku di hemû bajaran de protestoyan lidardixin re dibêjim: Nesekinin!
Em ê heta ku dewleta me saz bibe, girtîyên me û pîrozîyên me azad bibin, însanên me yên ku ji cîhê xwe bûne ji mala xwe re vegerin micadeleya xwe bidomînin.” (ÎLKHA)