Wezareta Ragihandinê ya Iraqê di daxuyaniyekê de weha got, "Astengkirina Telegramê li ser bingeha rênimayiyên dezgehên şareza yên derbarê ewlekariya niştimanî ya welat û ji bo parastina daneyên kesane yên welatiyên ku Telegramê çavdêriya wan nakin pêk hatiye."
Wezaretê diyar kir ku rayedarên pêwendîdar çendîn caran daxwaz ji kompaniya birêvebiriyê kirine ku "hevkariya bi ajansên fermî yên hikûmetê re bike ji bo girtina platformên ku berpirs in ji ber eşkerekirina daneyan û zanyariyên şexsî yên Iraqî û tehdîdkirina ewlehî û aramiya giştî."
Lê, li gorî wezaretê, "şîrketê ev yek nekir û bersiv neda daxwazên rayedaran."
Di daxuyaniyê de hat gotin ku "Heya ku zirarê nede ewlekariya dewletê û saziyên wê, mafê azadiya îfade û ragihandinê ya welatiyan tê rêzkirin" û "Em di wê baweriyê de ne ku welatî vê tedbîrê qebûl dikin." (ÎLKHA)