Sazîyên alîkarîyê ya însanî Karwana Hêvîyê, Weqfa Êtîman, Avrupa Yetîm Elî û ÎHO EBRAR li herêma erdheja ku felaketek li wê derê hat jîyandin xebatên xwe didomînin.
Li Mîdyadê jî ji bona ku lazimatîyên herêmê bên dîtin di vê sar û qeşayê de êzing û sobe hatin amadekirin û ji herêmê re hatin şîyandin.
Ji rayedarên Karwana Hêvîyê yê Mîdyadê derheqê xebatê te agahîyan da û weha axivî:
“Xwed Teala rehma xwe li hemû mirîyan bike û hemû ehlê musîbetê bike. Înşallah em tevde bighêjin selametîyê û ji ev barê musîbetê xelas bibin. Xwedê ji me hemûyan re bike ders û îbret Înşeallah. Xwedê sehlekî û rehetîyekî bide me.
Ev afada ku li ser milletê me de hatîye em pê gelek xemgîn bûne û li ber ketine. Li Mîdyadê jî birayên me yên xêrxwaz ji bona ku milletê me yên li wê derê ji sermayê necemidin û serma negirin lazimatîya êzing û sobayê amade kirîye û bûne alîkar. Ev tira ku em îşev bişînin xort hatine alîyê me dikin. Em ê vê tirê bar bikin û ji Mereşê re bişînin. Me berîya ev tirê jî ji Semsûrê re şîyandibû û pîqabekî jî ji Meletîyê re şîyandibû. Dîsa me tirekî jî ji Mereşê re şîyandibû. Ji ber ku Mereş gelek sar e ji me êzing û sobeyê xwestin. Me jî ji bona wan û konên wan sobeyan çêkir. Me îro jî 135 sobe anîtîye li vê derê û 18 ton jî êzing amade kirîye. Me tev barê tirê kir û Înşaallah ew ê bi rê bikeve. Xwedê Teala ji we tevde razî bibe. Yê ku bûye sebep yê ku ev karê organîze kirine û yên ku alîyê me kirine an jî pere daye alîkarîyê kirine ji hemûyan razî bibe. Karwana Hêvîyê, Weqfa Êtîman, Avrupa Yetîm Elî û ÎHO EBRAR kareke û emegeke mezin didin. Em tev ji wan memnûn in û Xwedê jî ji wan memnûn be.” (ÎLKHA)