Yapicioglu, Kardaşê di Serokatîya Bajêr ya Diyarbekir a Partîya Demokrat a Kurdistan-Tirkîyê de zîyaret kir.
Di zîyaretê de Yapicioglu û lijneya bi wî re ji teref Kardaş ve hatin pêşwazîkirin.
Yapiciogluyê ku di zîyaretê de axivî weha got, “Em ê fikr, nirx û nerînên xwe yên derheqê rojevê de gotûbej bikin û ji hev re bibêjin. Em ê derheqê çareserîya meseleya Kurd de li ser ka em dikarin çi bikin xeber bidin û gotûbejan bikin. Divê ku partîyên sîyasî gotûbejan bikin, dîyalogan bikin û ev rêyan jî vekirî bihêlin. Bi îzna Xwedê ew ê ji vê pê ve jî ev dîyalogên me bidome. Dibe ku di hinek meseleyan de fikrên me, nerînên me û sekna me cuda be lê di hinek hîsan û hinek meseleyan de nerînên me yên hevpar hene. Em ê derheqê meseleyên Kurdistana Bakur, Başûr û parçeyên dinê û meseleyên Tirkîyeyê de biaxivin. Ez hêvî dikim ku ev hevdîtinên me yên ku bidomin ji xêr û çareserîyê re bibe wesîle.
Kardaşê ku diyar kir ku ew ji ev zîyaretê kêfxweş bûne, ji Serokê Giştî yê HUDA PARê Yapicioglu re ji ber zîyareta wî sipasîyan kir. (ÎLKHA)