Weqfa Êtîman û Karwana Hêvîyê, li Efxanîstana ku erdhejeke ku di mezinahîya 5,9an de pêk hatibû û gelek kes zirarê dîtibûn de dest bi alîkarîyan kirin.
Ekîbên Weqfa Êtîman û Karwana Hêvîyê, bi tevî Weqfa Beşaîra ku li welêt fealîyetan dike çûn navçeya Gayana ku ew ê herî zêde ji erdhejê tesîrdar bûye, li wê derê jî ji kesên ku erdhejê tesîrdar bûne re şîva germ belav kirin.
Rayedarên weqfê derheqê xebatê de axivîn û di axavtina xwe de destnîşan kirin ku ew li Gayanê ji 500 malbatan re şîva germ belav kirine û ew ê hê 5 roj jî her roj ji bo 500 kesan şîva germ belav bikin.
Rayedaran îfade kirin ku ew xeyn ji belavkirina şîva germ ew ê kolîyên xwarinê jî belav bikin.
Ji teref rayedarên weqfê ve hat îfadekirin ku xelqê herêmê di nav feqîrîyeke gelek mezin de ne û ji ber vê yekê bang li xêrxwazan jî kirin ku bila alîkarîyê bikin. (ÎLKHA)