Îşxalkeran di êrîşa Mescîda Qibleyê de 400 Filistînîyan desteser ki

Çeteyên rejima îşxalker, vê sibê bi kustexî êrîş li Mescîda Qibleyê kir, di encama êrîşê de gelek kes birîndar bûn û herî kêm 400 Filistînîyan jî desteser kir.
15.04.2022 14:15:26 / Xeberen Kurdi

Emcede Ebu Asabê Serokê Komîteya Malbatên Mehkûmên Qudsê derheqê meseleyê de ji çapemenîya Filistînê re agahî da û got ku wan sîyonîstan di encama êrîşên vê sibê de nêzê 400 Filistînîyan desteser kir.

Dadwer Muhammed Mahmudê Qudsî îfade kir ku hêjmarên Filistînîyên ku hatine desteserkirin bûn 400 û wan jî bi otobûsan birin qereqola “Mazudat Adumim”.

Çeteyên rejima îşxalker doh êvarê jî bi bombeyên deng û bi guleyên plastîk êrîş li Filistînîyan kir. Di encama wan êrîşan de heta niha herî kêm 150 Filistînî birîndar bûn. (ÎLKHA)