Ofîsa Serokomariya Ukraynayê ragihand ku di navbera 24ê Sibatê û 20ê Adarê de, di encama êrîşên artêşa Rûsyayê de 115 zarok hatine kuştin û zêdetirî 140 zarok jî birîndar bûne.
Di daxuyaniyê de hat diyarkirin ku di êrîşên li ser herêmên Kîev, Xarkov, Donetsk, Çernîhîv, Nîkolaev, Zîtomîr, Sumy û Xersonê de gelek zarok mirin û birîndar bûn.
Her wiha di daxuyaniyê de hat diyarkirin ku di encama bombebaranê de 489 saziyên perwerdehîyê zirar dîtine û 69 ji wan bi temamî hatine rûxandin.
Hat destnîşankirin ku daneyên ku hatine eşkerekirin ne teqez in û li herêmên ku ji aliyê Rûsyayê ve demkî hatine dagirkirin nikarin kontrol bên kirin. (ÎLKHA)