Karwana Hêvî ya ku ji bo malbatên hewcedar ên li welat û derveyê welat xebatên alîkariyê dike, bi rêya Komeleya Neda ya ku li bajarê Hewlêrê ya Herêma Kurdistanê xebatên alîkariyê dike, gihaşt malbatên hewcedar ên bajêr.
Di çarçoveya projeya “Mont û Botek” de ku bi sarbûna hewayê hatibû destpêkirin, bi piştevaniya xêrxwazan li Hewlêrê bo 180 zarokên Hewlêrê bot û palto hatin belavkirin.
Rêveberên Komeleya Neda diyar kirin ku ew qîmetê didin xebatên ku hatine kirin, spasiya Kerwana Hêvî dikin ku ji bo belavkirin cilên zivistanê ji malbatên sêwî û hewcedar re şandine Hewlêrê.
Serokê Kerwana Hêvî yê Diyarbekirê Şahîn Elelçî derbarê xebatên alîkariyê yên ku li Hewlêrê tên kirin de daxuyanî da û got, "Di vê xebata ku me bi slogana ‘Jiyan bi hev re xweş e’ da destpêkirin.”
Elelçî diyar kir ku wan projeya "Yek cil û yek bot" a li welêt bi desteka xêrxwazan qedandiye û dû re wiha got, "Ji bo ku em ji zarokên malbatên feqîr û jar re karibin alîkarî bikin me xebat da destpêkirin. Me li Hêwlêrê ji 180 zarokan re alîkariya cilûbergan kir. Xweda ji hemû xêrxwazên ku tevkarî, kedkar û piştgirî dan xebata palto û çîzmeyan razî be." (ÎLKHA)